2026ko maiatzaren 8an (ostirala), Baionan, 18:00etatik 22:00etara,
40 peñek Pintxo Egunaren edizio berria eskaintzen daukute.
Etor zaitez Baionako peñak ezagutzera (edo berriz atzematera), pintxoak dastatuz giro goxo eta kultur ekitaldi batean.
Ekitaldia
Baionako peñetan,
Baiona (Frantzia)
egiten da.
ORDUTEGIAK
18:00: Baiona Txikiko peñak irekitzen dira (bakarrik)
19:00: Baiona Handiko gainerako peñak ere irekitzen dira
Egun berean, pintxoa zuzenean peñan erosten duzu: pintxo bakoitza 1€.
18:00etan Baiona Txikitik has dezakezu ibilaldia, lehen pintxoak dastatzeko.
Gero, 19:00etatik goiti, segi Baiona Handiko peñetan barna.
Baina adi! Peñek ahal duten pintxo gehien prestatzeko indar guziak ematen badituzte ere, arrakasta handia izaten da… eta lehen helduek hartzen dituzte lehenak! Beraz, ez luzaz egon: Baiona Handian pintxo guti gelditzen bada, gogoan har ezazu 20:30etik goiti Baiona Txikira jaustea, han peña batzuek oraindik “altxorra” gordetzen baitute!
Sortzetik, Pintxo Egunak diru-bilketa ere egiten du Baionako elkartasun elkarte batzuen alde.
Helburua argia da: bildutako diruaren zati handi bat elkartasun proiektuetara bideratzea,
elkarte horiek herritarren ongizatearen alde egunero lanean ari direlako.
2023an, 10. edizioan, urrats handiagoa egin genuen: emakumeen harrera etxe baterako (mugikortasun murriztua dutenentzat egokitua) laguntza bideratu zen, Atherbea elkartearekin elkarlanean.
Hasieratik, peñen artean lehiaketa gastronomikoa ere bada.
Sukaldarien sormena pizteko eta gero eta pintxo harrigarriagoak sortzera bultzatzeko,
epaimahai profesional batek prestakinak dastatzen ditu, eta trofeo mitikoa nori emanen zaion erabakitzen:
Urrezko Pintxoa!
EZAGUTU EPAIMAHAIA
Pintxo Eguna antolatzen dute Zirtzilak peñak eta Baionar Elkarteen Taldekatzeak.
